Физикална терапија

Ултразвукот во физикалната терапија пред се се употребува како терапевтско средство. За ултразвучна терапија се користат апарати кои генерираат фрекфенции од 800 Khz (со пробивање во ткивото од 7 до 12 cm) и 1500 Khz (со површинско дејство од 1 до 2 cm). Ултразвукот се користи кај различни дисфункции на мекото ткиво вклучувајќи ги контрактурите на зглобовите, воспаление на тетиви, зглобови, при спортски повреди, периартрит на рамо, карлични артрози, спондилоартрози, дискус хернија и сл. Времетраењето на процедурата е од 5 до 10 минути, а курсот на лечење е од 6 до 12 процедури.

Влијанието на ултразвукот врз ткивата е многукратно

механичко (се добиваат виорни движења на цитоплазмата, што всушност претставува еден вид на микромасажа на ткивата)
топлинско (ја подобрува размената на материи, ја зголемува спроводливоста на нервите, ги намалува грчевите во мускулите)
бактерицидно (го намалува размножувањето на бактерии)

Ултразвукот не се препорачува при акутни и свежи воспаленија, склоност кон крварење, било која состојба која може да предизвика хиперемија.

Магнетната терапија во физикалната медицина има антиедематозно и антиинфламаторно дејство (намалување на отоци и воспаленија), аналгетско (намалува болка), ја забрзува регенерацијата на ткивата (полесно зараснување на рани, обнова на коскено ткиво). Магнетната терпија може да се користи посебно или во комбинација со друга физикална терапија, како што се ултразвук, ласер и сл. Таа е сигурна, неинвазивна метода во која магнетното поле се употребува за терапевтски цели на:

Ревматски заболувања
Заболувања на коски (остеопороза, скршеници)
Акутни и дегенеративни состојби на зглобови
Оштетувања на рбетен столб

Контраидникации за магнетна терапија се:

Кардиоваскуларни заболувања
Бременост
Малигни заболувања
Ендокрини заболувања
Крварење

Ласер – кратенка од „light amplification by stimulated emission of radiation“ што во превод значи појачување на светлината со стимулирана емисија на зрачење. Ласерот во медицината е незаменлив, се користи во физикалната медицина, хирургија, трауматологија, дерматологија, козметика итн. Ласертерапијата е безболна и ефикасна метода во физикалната медицина која се употребува за:

Регенерација на ткива
Стимулација на микроциркулација
Ефективно делува на болки, воспаленија и отоци
Постоперативна рехабилитација
Спортски повреди
Ревматски заболувања и слично

Ласертерапијата е контраиндицирана кај мал број на случаи, најчесто тоа се малигни заболувања, бременост и ендокрини заболувања.

Електортерапија е процедура во која електрична струја се користи за лекување на болни состојби. Со електротерапија се намалува болката, се елиминира отокот и ги смирува воспалителните процеси. При електротерапија се случуваат следниве физиолошки процеси:

Вазодилатација (ширење на крвните садови)
Се нормализира pH
Се намалува раздразливоста на ноцицепторите (нервни завршетоци, преносители на болка)
Се забрзува заздравувањето на ткивата
Се зголемува мускулната контракција

Третманите ги изведуваме со BTL комбиниран апарат за електростимулација на мускули.

Кинезитерапија (kinesis-движење и therapy-лекување) претставува област од физиотерапијата кој што се занимава со примена на движењата во лекувањето, а целта и е воспоставување на оптимална функционалност на одделните сегменти на телото и на организмот како целина. Кинезитерапијата претставува примена на систематизирани движења на одделните делови на телото или на цело тело во форма на вежби, со цел зачувуање, воспоставување, развивање и компензација на функциите на локомоторниот апарат, како и на органите и органските системи кои се во директна врска со локомоцијата. Целта на кинезитерапијата е максимално искористување на сите потенцијали на пациентот кој што го третираме, со акцент на оптималното возможно опоравување на оштетената функција на локомоторниот апарат.

Погледнете го нашиот ценовник и одберете го најдоброто за Вас. За повеќе информации контактирајте не.

Ценовник Контакт