Масажа

Лимфната дренажа е комплексна терапевтска масажа која користи многу лесен притисок и долги нежни ритмички удари за да се зголеми протокот на лимфата и да се намали количината на токсини во вашето тело. Лимфата е бистра, благо жолта телесна течност која транспортира хранливи материи и кислород во телото. Како што поминува лимфата таа ги собира и токсините помеѓу клетките кои понатаму се исфрлаат од телото. Главните лимфни јазли се наоѓаат во вратот, пазувите и препоните. Лимфната течност ја придвижуваат крвните садови и движењето на мускулите. Кога лимфните јазли ќе се оштетат или отстранат, тогаш лимфата неможе да се дренира нормално. Во тој случај вишокот на лимфа се акумулира и се појавува оток кој е наречен лимфен оток или лимф едема. Овој вид на масажа се применува при:

• Отоци настанати од траума, тумор или операција
• Ишијас
• Олеснување на мускулен замор и болка
• Намалување на обемот на екстремитетите
• Целулит
• После остранување на дојка

Конртаиндикации за лимфна дренажа:

• Акутни воспалителни состојби пропратени со покачена телесна температура
• Малигни заболувања со метастази
• Кардиоваскуларни заболувања
• Тромбоза

Сите ние посакуваме тенко и витко тело, а не делови од телото кои наликуваат на кора од портокал. Антицелулитната масажа е меѓу најдобрите начини да се ослободите од целулитот.

Една од главните причини за акумулација на целулит е проблемот со слабата циркулација на крвта и лимфата.

Антицелулитната масажа е ефективен и пријатен начин за отстранување на целулитот, се прави комбинација од движења како штипење, триење и гмечење на кожата, движењата се поинтензивни и директно влијаат на сврзното и на масното ткиво. Со нејзина помош се подобруваат крвната и лимфната циркулација и целулитот се намалува или исчезнува за одреден период.

 Жените кои практикуваат годишно по една или две серии од по 10 третмани со оваа масажа имаат значително помал проблем или воопшто го немаат целулитот.

Мадеро терапијата е терапија која потекнува од Колумбија и се заснова на користење на анатомски направени елементи од дрво што терапијата ја прават сто процентно природна без алергиски реакции на кожата. Применувајќи ги овие елементи на мускулите, масните наслаги и целулитот, се предизвикува стимулирање на лимфниот систем на телото и насобраните токсини исчезнуваат.

„Мадеро терапија“ е вид на масажа која се базира на користење на дрвени елемени во различен облик, нарачени оклагии.

Оваа масажа се препорачува на клиенти со масни наслаги и целулит. Предноста на овие дрвени елементи е во тоа што обезбедуваат интезивен притисок на целулитот и намалувањето на масните наслаги. Оваа масажа е посебно ефикасна во намалување на обемот во колкот и бутовите како и за затегнување и обликување на нозете и на задникот.

Мадеро терапијата се препорачува за:

• Опуштање на телото и умот
• Стимулација на лимфниот систем
• Елиминација на токсините
• Забрзување на метаболизмот
• Разбивање на целулитот
• Согорување на мастите
• Тонус и затегање
• Намалување на обемот на телото
• Намалување на обемот на стомакот

Негувана, сјајна и еластична кожа е сон на секоја жена. Како што годините минуваат структурата на кожата се менува, така што за да изгледаме негувано и младо треба постојано да се грижиме за кожата. Отстранување на мртвите клетки со помош на пилинг за тело и соодветна хидратација се основните чекори кои гарантираат свеж, сјајен и млад изглед.